Ressursar – Bærekraft Hallingdal

Ressursar

Denne sida skal fungere som eit bibliotek over tilgjengelege verktøy og ressursar. Ressursane er samla i denne verktøykassa gjennom prosjektet, og gjort tilgjengelege for alle som ønskjer å vere med å gjere Hallingdal til ein grøn og framtidsretta region. Saman skapar vi den grøne dalen.

TIL ALLE MED GRØNE AMBISJONAR

Eit bibliotek av grøne tenester

Skal bærekraft bli noko meir enn berre ord må det til handling. Her har vi samla ulike ressursar og verktøy som peikar på ulike måtar å gjere ord om til handling på. Her kan du hente informasjon, inspirasjon og konkrete råd for setje handling bak ein grøn intensjon.

Avtrykkskalkulator

Målet med kalkulatoren er auke bevisstheita og forståinga for klimagassutslepp relatert til produksjon av nye hytter. Det overordna målet er å redusere desse utsleppa. Med dette utgangspunktet har vi utvikla eit berekningsverktøy (kalkulator) som viser kva for material- og konstruksjonsval som gir dei lågaste utsleppa.

Bærekraftig reisemål

Merket for bærekraftig reisemål er eit verktøy for reisemål som ynskjer å arbeide langsiktig og fokusert med bærekraft i reiselivet. Som hjelp i dette arbeidet har Innovasjon Norge utvikla verktøyet «Bærekraftig reisemål». Dette er både ei sertifisering og ein strukturert arbeidsprosess fram mot godkjenning.

Energi frå solceller

Solenergi er bærekraftig. Finn ut kva som er mogeleg å hente ut av energi frå sola med solcellepanel på ditt tak med Solcellekraft sin berekningsmodell.

Bærekraft i Viken

FNs 17 bærekraftsmål skal liggje til grunn for samfunnsutviklinga i Viken i «alt» Viken fylkeskommune gjer. Her kan du finne informasjon om status for bærekraftsmåla, kva ulike aktørar gjer, og korleis Viken jobbar med
bærekraft.

Den grøne løysingsbanken

Bli inspirert av andre gjennom Klimapartnere sin mangfoldige idébank – «Den grønne løsningsbanken». Her kan du søke geografisk eller tematisk på fleire hundre grønne prosjekt.

El-billading på hytta

DEFA viser veg til trygg lading av bilen på hytta. Med eigen ladestasjon og smart straumstyring kan dei fleste lade trygt og effektivt på hytta.

Bli miljøfyrtårn

Som Miljøfyrtårn-bedrift får du hjelp til å iverksette konkrete og lønsame bærekraftstiltak, som vil ha mykje å seie for konkurransekrafta til verksemda i åra som kjem, om ikkje alt i dag!

Utnytt jordressursane

NIBIO har har kartlagt jordsmonnet og presenterer data som viser ulike jordkvalitetar i databasen Kilden. Dermed kan du nytte jordressursane på ein meir optimal måte.

Tilskot til miljøteknologi

Miljøteknologiordninga gir tilskot til utvikling, pilotering og demonstrasjon av ny miljøteknologi. Norske bedrifter i heile landet og i alle bransjar kan søke Innovasjon Norge om tilskot.

Bli ein trefadder

Trefadder er eit norsk initiativ for å bygge klimaskog i samarbeid med norske gardsbruk. Målet er å skape eit betre klima og fleire lokale arbeidsplassar.

Bli opplyst med El-indeks

El-indeks gir oversikt over elektrifiseringsgraden i kommune-Norge, og har som mål å vise kva for grep kommunane kan ta for å redusere klimagassutslepp.

Sirkulærøkonomi

Circular Norway forklarar her kort kva sirkulærøkonomi går ut på, og korleis verksemda di kan gå fram for å gå frå eit lineært (ikkje-fornybart) tankesett til eit sirkulært og fornybart.

Sirkulært kommunenettverk

Nettverk skapar innovasjon, læring og kontaktar. Kommunenettverket er eit nettverk for dei som tek avgjerdsler som er viktige for å omstille Norge til sirkulærøkonomi. Her deler næringssjefar, klimasjefar og andre nøkkelpersonar i ulike kommunar kompetanse og erfaringar.

Grøn eksport

TheExplorer er Innovasjon Norge sin offisielle marknadsplass for grønn norsk eksport. Her blir internasjonale behov kopla med norsk teknologi og selskap med bærekraftige løysingar.

Vegkart for smarte byar og bærekraftige lokalsamfunn

DOGA har i samarbeid med Smartbyane, Nordic Edge og utvalte offentlege og private aktørar frå heile landet utarbeidd eit nasjonalt smartby-vegkart. Last ned vegkartet og ta det i bruk!

Kompetansesenter for bærekraftig design

Aktørar innanfor møbel, interiør, mote, sport og tekstil går saman om å etablere og drive eit nasjonalt kompetansesenter for innovasjon, kommersialisering og bærekraftig utvikling.

Ta smarte emballasje-val

Grønt Punkt Norge har laga ein guide som skal gi norske bedrifter konkrete råd og tips som bidreg til lågare miljøbelastingar og betre gjenvinning av emballasje. Finn ut kva du kan gjere med din emballasje for å gjere den meir sirkulær.

Bærekraftig ungdomsbedrift

Her kan de finne ut korleis de som ungdomsbedrift kan vere med å gjere verda litt bedre. Nettsida er eit samarbeid mellom Ungt Entreprenørskap og Storebrand.

Berekning av effekten av klimatiltak

Her finn du verktøy for å berekne utsleppseffekten av ulike klimatiltak på byggeplassen. Miljødirektoratet har laga ulike rekneark for bygg- og anleggsbransjen som kan bli brukt til å berekne effekten av tiltak på direkte utslepp, men ikkje indirekte utslepp.

Støtte til klimasatsing

Klimasats er ei støtteordning gjennom Miljødirektoratet for kommunar, fylkeskommunar og enkelte kommunale føretak som vil kutte utslepp av klimagassar og bidra til omstilling til lågutsleppsamfunnet.

Bærekraft som konkurransekraft

I møte med Innovasjon Norge vil bedrifter bli utfordra på bærekraft. Målet er å styrke konkurransekrafta til bedriftene. Langsiktig konkurransekraft forutset at verksemda har ein strategisk tilnærming til klima og miljø.

Enova støttar elektrifisering

Skal verksemda kjøpe ny varebil? Då kan de få inntil 50 000 kroner i støtte frå Enova, dersom de vel ein elektrisk varebil. Be bilforhandlaren søke alt ved bestilling av bilen!

Kartressurs for skognæringen

Skogressurskartet SR16 frå NIBIO gir detaljert informasjon om skogen i Norge. Nær 80 prosent av Norges skogareal er dekka av SR16, medan dei resterande 20 prosent kjem i løpet av 2021.

Bærekraft som bærende element for møbelprodusent

Lær av dei beste. Sjå til Vestre! Møbelprodusenten har bygd opp heile konseptet sitt på bærekraft. Sjå berre kor høgt bærekraft-fana blir heist i kommunikasjonen med kundane på nettsidene.

Bærekraftig design og arkitektur

Bli inspirert av andre som har laga bærekraftige arkitektur og design, som tek mål av seg å bidra til å løyse nokre av FN’s bærekraftsmål. DOGA er Design og Arkitektur Norge si nettside.

Enova

Enova er eit sentralt verkemiddel for Regjeringa i arbeidet med å fremje innovasjon og utvikling av nye energi- og klimaløysingar. Etter 2013 har dei årlege løyvingane til Enova vore 3,2 mrd. kroner.

Grøn kapital

NYSNØ sitt oppdrag er å gjere lønsame, langsiktige investeringar som bidreg til klimagassreduksjon. Målet er å skape positive ringvirkningar i samfunnet og akselerere det grønne skiftet.

Undervisningsopplegg om klimautfordringar

Framtidsreisa – eit interaktivt undervisningsopplegg om klimaendringane for VGS, og 9.- og 10. klassetrinn på ungdomsskulen, i regi av KLP.

Sirkulær økonomi i praksis

Norsk Senter for Sirkulær Økonomi jobbar med å vidareutvikle sirkulær økonomi i praksis for og mellom verksemder. Utvikling av nye forretningsområde og utnytting av avfallsprodukt eller restprodukt er arbeidsoppgåver senteret driv med.

Undervisningsopplegg om bærekraftig utvikling

Denne tverrfaglige ressursbanken, kalla «Bærekraft», inneheld 17 undervisningsopplegg for både fellesfag og programfag på VGS. Målet er å bidra til auka handlingskompetanse for ei bærekraftig utvikling hjå elevane.

Grøne innkjøp

Grønne innkjøp gir positive effektar på klima, miljø og menneske, og skapar grøn konkurransekraft.

Klimasmart landbruk

Klimakalkulatoren er eit digitalt verktøy som er spesielt utvikla for landbruksnæringa og den norske bonden. Den gir bonden oversikt over utslepp og kva for mogelegheiter som finst både for å redusere utslepp og binde karbon på gårdsnivå.

Tips?

Har du eit grønt tips, så send det til oss her. På den måten kan du hjelpe oss med å hjelpe fleire mot eit bærekraftig samfunn.

Grønn vekst hallingdal

Framtida startar her

P O D C A S T om bærekraft

Lytt til PODCAST om bærekraft fra LØRN her